NEPAL DESTRUCTION: MANMADE DISASTER BY CHINA?

नेपाळांत ग्लेशियर फुटून आयिल्ल्या हुंवारात आतांमेरेन सुमार 919 जाणांक मरण आयलां. जाल्यार चार हजारापरस चड जाण बेपत्तो आसात. बेपत्तो आशिल्ल्यांमदी कितल्याशाच भारतीय नागरिकांचो आस्पाव आसा. आतांमेरेनच्या रिपोर्टाप्रमाण ही सैमीक आपत्तीच म्हूण तुमचो समज जालो आसतलो. पूण हाचे फाटल्यान चीनाचो हात आसा ही गजाल न्हयकारपासारकी ना. #MANMADE DISASTER BY CHINA IN NEPAL 

नेपाळांत आयिल्ल्या हुंवारांत #NEPAL FLOOD DESTRUCTIONनात चीनाचो हात कसो आसा, चला समजून घेवयात.  तिबेटात ग्लॅशियर फुटिल्ल्याची म्हायती चिनाकडे आशिल्ली. पूण ही म्हायती चीनान नेपाळाक सुमार 45 मिनटा उसरा दिली. दोनूय देशांमदी हवामान आनी आपत्तीची म्हायती दिवपाखातीर रियल टायम डेटा शेरिंग पॅक्ट आसा खरो पूण कबलात आसून फायदो कितें? खरेपणी ह्या पॅक्टाप्रमाण चीनान हुंवाराची म्हायती नेपाळाक दिवंक जायशिल्ली. पूण ती 45 मिनटा उसरा दिल्ल्यान नेपाळांत #FLOOD DESTRUCTIONक निर्माण जाल्ली परिस्थिती तुमी पळयलीच आसतलीं. नेपाळ-तिबेट शीम वाठारांत चीनान फाटल्या कांय वर्सासावन मोठ्या प्रमाणात बांदकामा केल्यात. चीनान तिबेट कित्याक कब्जायलो तें आनी हांगा वेगळे सांगपाची गरज ना. पूण चीनान तिबेटातल्यान उगम पाववी ब्रह्मपुत्रा, सतलज आनी सिंधू न्हंयचेर व्हडली धरणा बांदल्यात. चीनान आतांमेरेन तिबेटात सुमार 12 व्हडली धरणा बांदल्यात. तिबेटात उगम पावपी ब्रह्मपुत्रा न्हयंचेर कितलींशींच धरणा आसात. ते भायर कांय धरणा बांदकाम टप्प्यात आसात. चीनाच्या ह्या मेगा प्रकल्पांक लांगून सैमाचेर वायट परिणाम जाला. चीनान त्रिशुली न्हंयचो प्रवाह बदलून झियाओकांग गांव आनी ग्यिरोंग शार वसयलां. 

तिबेटियन रिजनात केल्ल्या बांदकामांक लागून सैमाचेर हावळ आयल्या. तिबेटात चीनाच्या नियंत्रणाखाला आशिल्ल्या क्षेत्रात कितल्योशोच न्हंयो उगम पावतात. चीन ह्या न्हंयांचो हत्यारावरी वापर करपाक शकता. हालीच भारतान पाकिस्ताना वांगडा आशिल्ली सिंधू वॉटर ट्रिटी सप्सेंड केल्या उपरांत चीनाच्या डिफेन्स तज्ञ्यांनी तशें उलोवनूय दाखयलां.  भारतात व्हांवपी ब्रह्मपुत्रा न्हंय चीनान बेकायदेशीरपणान कब्जायल्या तिबेटीयन एरियात उगम पावता. तशेंच सतलज, सिंधू, कर्णाली, घाघरा आनी हेर न्हंयो चीनाच्या कब्जातल्या तिबेटातूच उगम पावतात. भविष्यात ह्या न्हंयाचो वापर चीन हत्याराबशेन करू शकता, हातून मातूय दुबाव ना. ह्या न्हयांच्या प्रवाहाचेर बांदिल्ल्या धरणांनी मोठ्या प्रमाणात उदक साठोवन तें अचकित सोडल्यार भारताच्या अरुणाचल आनी आसामांत नेपाळावरी स्थिती निर्माण जांव यें. तेन्ना भारतान चीनाकडल्यान आशिल्लो संभाव्य धोको लक्षात घेवन आतापसून योग्य उपाययेवजण करप गरजेचें. 

नेपाळांत हुंवार येवप ही एक सैमिक आपत्ती न्ही जाल्यार मनीस निर्मित चुंकाचोय परिणाम हेंवूय ताचेफाटले मुख्य कारण जावन आसा. चीनान आतां नेपाळांत आयिल्ल्या हुंवाराचें व्हिडियो सेंसर करपाक सुरवात केल्यात. हुंवाराक लागून नेपाळांत निर्माण जाल्ले परिस्थितीचे व्हिडियो आनी फोटू सेंसर करून चीनान आपल्या बचाव कार्याचो पीआर करपाक सुरवात केल्या. चीनाची बचाव पथका कशी नेपाळांत वचून बचाव कार्यात वाटो घेतात. कितल्या जाणांक वाटयले, कितल्यो कुडी भायर काडल्यो तेभायर बेपत्तो आशिल्ल्यांक कशें सोदून काडटात हाचेर चीनान फोकस केला. हेंखातीर चीनान मोठ्या प्रमाणात पीआर मोहीम राबयल्या. खरी परिस्थीती जगा सामकार येवची न्हू, वस्तुस्थिती लिपून रावची आनी आपूण तिबेटात पर्यावरणाचो विचार करी नासतना जें विनाशकारी प्रकल्प उबारल्यात ताचेवेल्यान लोकांचे लक्ष विचलीत जावचे हाचेर चीनान फोकस केला. 

नेपाळांत आयज जी परिस्थिती निर्माण जाल्या तशीं भविश्यातूय जावयें. हाचो परिणाम फुडाराक नेपाळावांगडा भारताकूय भोगचो पडूयें. ताकाच लागून पीआर मोहिमेच्या माध्यमातल्यान कव्हरप करपाचो चीनाचो प्लान आसा. तिबेटीयन नागरिकांनी नेपाळांत आयिल्ल्या हुंवाराचे व्हिडियो सोशल मीडियाचेर पोस्ट केल्ले. हें सगळे व्हिडियो चीनान डिलीट केल्यात. #NEPAL FLOOD DESTRUCTIONची सगळी फुटेज डिलीट केल्या.  दुसरेवटेन #RESCUE OPERATION प्रमोट करपाचेर चीनान भर दिला. चीनाच्या कव्हरप मोहिमेक लागून  #INFORMATION CURTAIN मेळपाक शकता. चीनाच्या चुकांक लागून नेपाळांत हुंवार आयिल्ल्याची गजाल कोणूच व्हेरिफाय करपाक शकना. कित्याक तर सत्य परिस्थिती दाखोवपी व्हिडियो सोशल मीडियावेल्यान काडून उडयिल्ल्यान नेपाळांत जें हुंवार आयलां तें चीनाक लागुनूच ही गजाल कोणूच व्हेरिफाय करपाक शकना.  

तिबेटियन रिजनात चीनान केल्ल्या चुकीच्या कन्स्ट्रक्शन प्लानिगेंक लागून नेपाळांत मोठ्या प्रमाणात #DESTRUCTION जाला. चीनाच्या एग्रेसिव्ह कव्हरप मोहिमेक लागून नेपाळांत कितले लोक मेले, कितले बेपत्ता जाले, कितले लुकसाण जालें, कितल्यो बिल्डिंग्यो मोडल्यो हाचो अदमास लेगीत लावप कठिण जातलें. तिबेटियन रिजनात #CHINA DEVASTATION IN TIBET जें कितें केला तें जगाक कळचे न्हू हाचेखातीर चीनान ही कव्हरप मोहिम राबयल्या. भारतान संसारिक पावंड्यार आपली इमेज सुधारपाखातीर व्हडलेशे कितेंच करुंकना. पूण चीन मात एग्रेसिव्ह पद्धतीन कव्हरप ऑपरेशन राबयतना दिश्टी पडटा. चीनाच्या कब्जातल्या तिबेटात नेमके कितें जाले जाका लागून नेपाळांत हुंवार आयलें हाचे ग्रावंड रिएलिटीचे रिपोर्टिंग करपाक जाय जाल्यारूय तुमका तें करपाक मेळना. चीनान आंतरराष्ट्रिय मीडियाक अलावूय केले जाल्यार तांचेवांगडा तांचे सरकारी कर्मचारी आसतलें. देखून तांकां जें करपाक जाय तें करूंक मेळना. जे चीनाक जाय तेंच तुमी करूंक जाय. परिणाम वस्तुस्थिती भायर कशीच येवची ना हाची जतनाय चीनान पुरायेन घेतल्या. महत्त्वाची गजाल म्हळ्यार तिबेटात तिबेटियन नागरिकांची परिस्थिती कितें आसा हें आनी वेगळे सांगपाची गरज ना. दुसरेवटेन जी घडणूक घडल्या ताचेर आवाज काडपाचोय तांका अधिकार ना. चीनान आंदोलन करपाकूय पुरायेन बंदी घातल्या, ह्या लेवलाचेर वचून  #CHINA CENSORSHIP केल्या. चायना नेपाळांत कितें घडला ते आपल्या नदरेतल्यान तुमकां दाखोवंक सोत्ता. #SOCIAL MEDIA MANIPULATION BY CHINA हें काम चीनान बरे तरेन राबयला. दुसरेवटेन 68.5 टन रिलिफ मटेरियल एअर लिफ्ट करपा बराबरूच टनेल रेस्क्यू, फॉरेन्सिक, ब्रिज रिस्टोरेशन, एनडीआरएफ पंगड धाडूनय भारत मात पीआरात फाटी पडिल्ल्याचे दिसून येता.